<?xml version="1.0" encoding="UTF-8"?><song><hymn_number>74</hymn_number>
<time_sig>L.M. (8.8.8.8.)</time_sig>
<title>Okla eho moyuma kʋt ƲIT74</title>
<lyrics>[V1]
 Okla eho moyuma kʋt
 Himak a nitak fehna ka,
 Chihowa pin Chitokaka
 Iloh anukfihinlashke.

[V2]
 Yʋmmak osh pimi shilombish
 Hatak puyuta aiena
 I̱ Shahli, I̱ki mak oke:
 Iloh anukchietashke.

[V3]
 Taloa holitopa ma,
 Ʋba Pi̱ki Chihowa ya̱
 Itikba ma, taloho̱wʋt,
 Ilbʋshʋt kiloh aiasha.

[V4]
 Il i yoshoba chatuk ʋt
 Il ile kostininchashke;
 Nukha̱klo fehnʋt, a̱hli hosh
 Il im anumpohonlashke.

[V5]
 Chisʋs ʋt, hatak yoshobʋt
 Aiokpuloka bano ho̱
 Apissanlit, nan okpunlo
 Iba chukoho̱wa hoka.

[V6]
 Pihi̱sa mʋt, nukha̱klo tok.
 Mikmʋt a hlakoffa he ma
 Pilla im issa chi hokʋt
 Im ikbit tahli tok oke.</lyrics>
<author>Loring S. Williams</author>
</song>